APACAF

A Asociación de Pais de Persoas con Trastorno do Espectro Autista de Centros de Apoio Familiar (APACAF) é una entidade sen ánimo de lucro que ten como misión mellorar a calidade de vida das persoas con autismo cun enfoque centrado no individuo.

Os valores de APACAF son o respecto e a tolerancia,  a transparencia informativa, a igualdade e a democracia interna. 

Os seus centros son vivendas na zona rural con grupos reducidos sen renunciar á atención profesional e á calidade da xestión.

Teñen unha residencia na Braña (A Estrada) e un centro de día en Penagrande (Moraña).