Down Vigo: Asociación para a Síndrome de Down creouse en 1989 co obxectivo de lograr a plena integración das persoas con síndrome de Down e Discapacidade Intelectual e contribuír a mellorar a súa calidade de vida. A súa nova sede está na zona vella da cidade, na rúa Real, 27.
Area de Autonomía
Traballo de autonomía persoal a través do desenvolvemento das habilidades sociais e do coñecemento da contorna.
Refórzase a autonomía a través de sesións semanais formativas na aula e saídas en fin de semana onde se poñen en práctica as habilidades traballadas no contexto formativo.
Neste programa participan nenas/os e mozas/os con Síndrome de Down e outras diversidades intelectuais a partir dos 6 anos de idade.
- Horario: as sesión formativas son martes, mércores e xoves, de 16 a 20 h, e as saídas de fin de semana de acordo co tipo de actividade de 3/4 horas de duración aproximada.
- Prazas: 1
Area de Formación
Preparación para a vida adulta traballando en habilidades motoras, cognitivas, resolución de conflitos, xestión de euros, saúde. Tócanse os aspectos relevantes que permiten ás persoas con síndrome de Down acceder a un nivel de autonomía que sempre respecte os ritmos de cada un e as necesidades/motivacións da persoa e da súa familia. Este traballo corre paralelo a outros servizos como a integración social e o emprego con apoio.
- Horario: de luns, martes e xoves, de 9:30 a 13:30 h.
- Prazas: 1
Area de Emprego con Apoio (ECA)
Apoio na aula a traballadoras e traballadores (modalidade de Emprego con Apoio, nunha empresa ordinaria). Acompañalos no traballo para axudalas/os no lugar a integrar tarefas e desenvolver habilidades sociais e laborais. Alí se detectan as áreas de mellora que lles trasladan nunha reunión de equipo aos técnicos da ECA para que poidan ver como pode practicar, adestrar e mellorar esa habilidade/tarefa/competencia na clase.
- Horario: martes e mércores, de 9:30 a 11:30 h e de 15:30 a 18:30 h. e os xoves, de 9:30 a 11:30 h e de 15:30 a 19 h.
- Prazas: 2